إسكتش طاقة القدر [تدخل بهية وهي تنادي على سعدية وسعدية تمسك المصحف] بهية : بت يا سعدية ...سعدية .... إنتي يا بت. سعدية : إيوة يا بومة ، فيه إيه؟ بهية : بتعملي إيه يا بت ؟ سعدية : أديني بقرالي شوية قرآن عشان ربنا يكرمني بالمال وابن الحلال والعيال. بهية : إسفوخص عليكي وعلى شعلقتك في الدنيا ، يعني مش بتقري القرآن عشان ربنا يرضى عنك ،وتموتي شهيدة في سبيل الله. سعدية : فال الله ولا فالك يا فقر . بهية: هي الشهادة في سبيل الله وحشة ، دي حتى أحسن موتة ، ولا عايزة تخللي في الدنيا زي جدتك ستيتة أم أعرض ودان (تضحك بسخرية). سعدية: إحنا لسانا شباب يا بوذ الغراب ، نعيش ونفرح ونتهني ، ولما نوصل سن المعاش نبقى نفكر في الموت ، ونروح كمان الحج (تضحك بــبلاهة). بهية : ربنا يهديكي يا أختي ، طيب مش هتروحي معاية نصلي التراويح في الجامع. سعدية(بعد وجوم): هاه بهية (في أذن سعدية بصوت عالٍ): نصلي التراويح في الجامع. سعدية : روحي لوحدك ، أنا هصلى هنا. بهية : ليه بس؟ سعدية ...
